हजारोंच्या उपस्थितीत नगराध्यक्ष पदासाठी अर्ज दाखल – नशिराबादमध्ये उत्साह उसळला!

जळगाव/नशिराबाद: नशिराबाद नगरपरिषद तालुका जळगाव येथील बहुप्रतिक्षित लोकनियुक्त नगराध्यक्ष (Directly Elected Municipal President) निवडणुकीसाठी भाजप-शिवसेना युतीचे उमेदवार योगेश नारायण पाटील यांनी आज (दिनांक१७/११/२०२५) रोजी हजारो समर्थक आणि प्रमुख पदाधिकाऱ्यांच्या उपस्थितीत आपले नामनिर्देशन पत्र (Nomination Form) दाखल केले.

युतीच्या वतीने यावेळी मोठे शक्तीप्रदर्शन करण्यात आले. यावेळी युतीचे घटक पक्ष। शिवसेना भाजपा व आर पी आय (आठवले गट) नेत्यांची उपस्थिती लक्षणीय होती, ज्यामुळे निवडणुकीच्या रणधुमाळीला अधिकृत सुरुवात झाली आहे.नशिराबाद नगरपरिषदेवर पुन्हा एकदा भगवा ध्वज फडकवण्याचा निर्धार करत, युतीचे लोकनियुक्त नगराध्यक्ष पदाचे उमेदवार योगेश पाटील (पिंटू शेठ) यांनी आज औपचारिकपणे निवडणूक प्रक्रियेत सहभाग घेतला. यावेळी शिवसेनेचे जिल्हाध्यक्ष विष्णू भंगाळे भाजपा निवडणूक प्रभारी गोपाळ भंगाळे, शिवसेनेचे तालुकाप्रमुख शिवराज पाटील भाजपाचे तालुकाध्यक्ष भाऊसाहेब पाटील, शहराध्यक्ष प्रदीप बोडरे, भाजप ओबीसी आघाडीचे जिल्हाध्यक्ष लालचंद पाटील, मार्केट कमिटी संचालक मिलिंद चौधरी, शिवसेनेचे पंकज महाजन, लीना महाजन, विकास पाटील, कैलास व्यवहारे, चेतन बराटे, विकास धनगर, नामदेव माळी, मन्यार कमनूर निसा, सत्तर पैलवान, असलम तनवीर, गुलाब दस्तगीर, खलील शहा, चांद मेंबर आणि कोमल नारखेडे राजेंद्र पाचपांडे, पिंटू भाऊ कोळी, तसेच सर कीर्तीकांत चौबे यांच्या नेतृत्वाखालील भाजप आणि शिवसेनेच्या प्रमुख नेत्यांसह RPI (आठवले गट) चे अनिल अडकमोल यांची उपस्थिती युतीचे राजकीय बळ दर्शवते.

नगराध्यक्ष पदासोबतच नगरसेवक (Ward Members) पदासाठी युतीच्या इच्छुकांनीही आपले अर्ज दाखल करून निवडणुकीच्या वातावरणात उत्साह निर्माण केला.

शक्तीप्रदर्शनातील प्रमुख उपस्थिती आणि युतीचे बळ:
नामनिर्देशन पत्र दाखल करण्याच्या वेळी झालेल्या रॅलीमध्ये युतीमधील भाजप, शिवसेना (शिंदे गट) आणि RPI (आठवले गट) या तिन्ही पक्षांचे प्रमुख नेते उपस्थित होते.

युतीचा विजयाचा ठाम विश्वास:
अर्ज दाखल केल्यानंतर झालेल्या बैठकीत सर्व नेत्यांनी आणि उमेदवारांनी नशिराबाद नगरपालिकेवर भाजप-शिवसेना आरपीआय आठवले गट युतीचा झेंडा फडकेल असा ठाम विश्वास व्यक्त केला. नगराध्यक्षपदाचे उमेदवार योगेश पाटील यांनी, ‘जनतेचा आणि देवाचा आशीर्वाद सोबत आहे, युतीचा विजय निश्चित आहे,’ असा आशावाद व्यक्त केला.