जळगाव पंचायत समितीच्या आखाड्यात उच्चशिक्षित ‘इंजिनिअर’ नेतीची एन्ट्री; मोनालिका पवारांची जोरदार दावेदारी!

जळगाव : जिल्ह्याच्या राजकारणात प्रस्थापितांना धक्का देत आता उच्चशिक्षित तरुण पिढी पुढे येत आहे. सिव्हिल इंजिनिअरिंगसारखे तांत्रिक शिक्षण घेऊनही समाजसेवेचा वसा घेतलेल्या मोनालिका किशोर पवार (पाटील) यांनी आता पंचायत समितीच्या निवडणुकीसाठी शड्डू ठोकला आहे. अवघ्या २५ व्या वर्षी राजकीय प्रगल्भता आणि संघटनेवरील पकड यामुळे त्यांनी  असोदा-कडगांव आणि म्हसावंद-बोरणार या तीनही ठिकाणी पक्षाकडे उमेदवारीची तयारी दर्शविल्याने राजकीय वर्तुळात खळबळ उडाली आहे.

इंजिनिअरिंग ते राजकारण: एक अभ्यासू प्रवास मोनालिका पवार यांनी सिव्हिल इंजिनिअरिंगमध्ये डिप्लोमा आणि बी.टेकचे शिक्षण पूर्ण केले आहे. एरवी उच्चशिक्षणानंतर नोकरीकडे वळणाऱ्या तरुणाईला त्यांनी वेगळी दिशा दाखवली आहे. २०-२१ व्या वर्षापासूनच त्यांनी विद्यार्थी चळवळीत स्वतःला झोकून दिले. २०२१ मध्ये इंजिनिअरिंग कृती समितीच्या तालुका अध्यक्षपदापासून सुरू झालेला हा प्रवास जिल्हाध्यक्ष (२०२१-२२) आणि विभागीय अध्यक्ष (२०२३-२५) असा यशस्वी राहिला. त्यांच्या कामाचा धडाका पाहूनच पक्षाने २०२४ मध्ये त्यांच्याकडे राष्ट्रवादी काँग्रेस पार्टीच्या युवती जिल्हाध्यक्षपदाची मोठी जबाबदारी सोपवली.

विकासाची ‘ब्ल्यूप्रिंट’ तयार सिव्हिल इंजिनिअर असल्यामुळे पायाभूत सुविधा, रस्ते, पाणीपुरवठा आणि गावाचा नियोजनबद्ध विकास कसा असावा, याचा तांत्रिक अभ्यास मोनालिका यांच्याकडे आहे. त्यामुळे पंचायत समितीमध्ये अशा अभ्यासू नेतृत्वाची गरज असल्याचे मत स्थानिक नागरिक व्यक्त करत आहेत.

तीनही गणांतून तयारी आणि जनसंपर्क मोनालिका पवार यांनी केवळ एकाच ठिकाणी लक्ष केंद्रित न करता संघटनेच्या माध्यमातून विविध गावे पिंजून काढली आहेत.

• असोदा-कडगांव गण: महिला सक्षमीकरण आणि युवकांशी असलेला थेट संवाद यामुळे येथे त्यांची लोकप्रियता वाढत आहे.

• म्हसावंद-बोरणार गण: पक्षाने विश्वास दाखविल्यास याही गणातून लढण्याची त्यांची पूर्ण तयारी असून, येथील संघटनात्मक बांधणीत त्यांचा सिंहाचा वाटा आहे.

तरुण आणि महिलांचा आवाज जिल्ह्यात महिलांवरील अत्याचार असो किंवा विद्यार्थिनींचे प्रश्न, मोनालिका पवार रस्त्यावर उतरून न्याय मागत आहेत. “राजकारण हे केवळ सत्तेसाठी नसून समाजाला दिशा देण्यासाठी आहे,” असे त्या मानतात. त्यांच्या उमेदवारीमुळे सुशिक्षित मतदार आणि विशेषतः तरुण वर्गात मोठा उत्साह पाहायला मिळत आहे.

पक्षाचा विश्वास सार्थ ठरविणार “पक्षाने संधी दिल्यास पंचायत समितीच्या माध्यमातून विकासाचा नवा पॅटर्न राबवू,” असा विश्वास मोनालिका पवार यांनी व्यक्त केला आहे. प्रामाणिकपणा, अभ्यासू वृत्ती आणि आक्रमक वक्तृत्व यामुळे त्या पंचायत समिती निवडणुकीत ‘गेम चेंजर’ ठरण्याची शक्यता आहे.

येत्या काळात होणाऱ्या निवडणुकांमध्ये मोनालिका पवार या तरुण चेहऱ्याला संधी मिळते का, याकडे संपूर्ण जिल्ह्याचे लक्ष लागले आहे.