श्री मराठी न्यूज’ची बातमी अन् काही तासात ॲक्शन! प्रशासकीय पत्रातही चॅनलच्या नावाचा उल्लेख; CEO मीनल करनवाल यांच्या तत्परतेने प्रश्न मार्गी!

पत्रकारिता जेव्हा सामाजिक भान जपते आणि सत्याची बाजू मांडते, तेव्हा बदल घडल्याशिवाय राहत नाही, हे ‘श्री मराठी न्यूज’ ने पुन्हा एकदा सिद्ध केले आहे. वरणगाव येथील शाळेच्या आवारातील डुकरांच्या समस्येबाबत आम्ही लावलेल्या एका बातमीने संपूर्ण प्रशासकीय यंत्रणा हलवून सोडली आणि एका सकारात्मक बदलाची नोंद झाली.

प्रशासकीय पत्रात ‘श्री मराठी न्यूज’च्या नावाचा उल्लेख: हेच आमचे यश! सर्वात अभिमानाची बाब म्हणजे, या प्रकरणाची दखल घेत प्रशासनाने आणि शाळेने जो लेखी खुलासा सादर केला आहे, त्यामध्ये ‘श्री मराठी न्यूज’च्या बातमीचा आणि चॅनलच्या नावाचा स्पष्ट उल्लेख करण्यात आला आहे. “श्री मराठी न्यूजवर प्रसारित झालेल्या बातमीच्या अनुषंगाने…” अशी सुरुवात होणारे हे पत्र म्हणजे आमच्या निडर पत्रकारितेवर प्रशासनाने केलेले शिक्कामोर्तब आहे. आमची बातमी ही केवळ ओरड नसते, तर तो बदलाचा हुंकार असतो, हे या लेखी पुराव्याने सिद्ध झाले आहे.

CEO मीनल करनवाल यांचे मनःपूर्वक आभार! प्रशासनात संवेदनशील अधिकारी असले की समस्या किती वेगाने सुटतात, याचे उत्तम उदाहरण म्हणजे जळगाव जिल्हा परिषदेच्या मुख्य कार्यकारी अधिकारी (CEO) श्रीमती मीनल करनवाल मॅडम. ‘श्री मराठी न्यूज’वर बातमी प्रसारित होताच त्यांनी केवळ बघ्याची भूमिका घेतली नाही, तर ‘ॲक्शन मोड’ मध्ये येत तात्काळ या गंभीर विषयाची दखल घेतली. त्यांनी स्वतः लक्ष घालून गटशिक्षण अधिकारी आणि संबंधित शाळेच्या मुख्याध्यापकांकडून लेखी खुलासा मागवला. एका सामान्य माणसाच्या तक्रारीची किंवा स्थानिक बातमीची एवढ्या तत्परतेने दखल घेणाऱ्या मीनल करनवाल मॅडम यांचे मुख्य संपादक या नात्याने मी मनापासून आभार व्यक्त करतो. अधिकारी असावा तर असा!

शाळेची लेखी ग्वाही: सुरक्षेचे वचन प्रशासनाच्या या दणक्यानंतर, शाळेच्या मुख्याध्यापकांनी केवळ चूक मान्य केली नाही, तर सुधारणेचे वचनही दिले आहे. “सुट्टीच्या दिवशीही शाळेच्या आवारात डुकरांचा वावर होणार नाही, याबाबत खबरदारी घेतली जाईल,” अशी लेखी ग्वाही  शाळेने पत्राद्वारे दिली आहे. हा कागद म्हणजे केवळ खुलासा नाही, तर तो शाळेत येणाऱ्या शेकडो चिमुकल्यांच्या आरोग्याचा आणि सुरक्षेचा ‘पासपोर्ट’ आहे.

श्री मराठी न्यूज: विश्वासाचे दुसरे नाव ही घटना पुन्हा एकदा अधोरेखित करते की, ‘श्री मराठी न्यूज’ हे चॅनल केवळ बातम्यांचा रतीब घालण्यासाठी नाही, तर जनसामान्यांच्या समस्यांचे ‘निवारण’ करण्यासाठी वचनबद्ध आहे. जिथे जिथे जनतेचा प्रश्न अडेल, जिथे प्रशासनाचे दुर्लक्ष होईल, तिथे तिथे आमचा आवाज बुलंद राहील. आमची बातमी ही केवळ बातमी नसते, तर ती बदलाची सुरुवात असते.

‘श्री मराठी न्यूज’च्या बातमीचा संदर्भ देत शाळेची नगरपरिषदेकडे धाव; पाहा पत्रात काय म्हटले आहे?

“‘श्री मराठी न्यूज’वर बातमी झळकताच केवळ जिल्हा परिषद प्रशासनच नाही, तर शाळा प्रशासनही खडबडून जागे झाले आहे. शाळेच्या मुख्याध्यापकांनी आज तातडीने वरणगाव नगरपरिषदेच्या मुख्यधिकाऱ्यांना पत्र लिहून या मोकाट डुकरांचा बंदोबस्त करण्याची मागणी केली आहे.

विशेष म्हणजे, या शासकीय पत्रात ‘श्री मराठी न्यूज’च्या दिनांक १३/१२/२०२५ च्या बातमीचा स्पष्ट संदर्भ देण्यात आला आहे. शाळेने प्रशासनाला दिलेल्या पत्रात नेमकं काय म्हटलंय, त्यावर एक नजर टाकूया…”

(येथे पत्राचा फोटो किंवा ग्राफिक दाखवून खालील मजकूर वाचावा)

प्रति, मा. मुख्याधिकारी सो., नगरपरिषद कार्यालय, वरणगाव.

विषय: शाळेच्या आवारात डुकरांचा सतत वावर वाढल्याने त्यावर उपाययोजना करणे बाबत.

संदर्भ: ‘श्री मराठी न्यूज’ यांची दिनांक १३/१२/२०२५ रोजीची बातमी.

महोदय, “आमच्या महात्मा गांधी विद्यालय व कनिष्ठ महाविद्यालय, वरणगाव येथे डुकरांचा वावर प्रचंड वाढला आहे. हा प्रकार शाळेत येणाऱ्या विद्यार्थ्यांसाठी अत्यंत धोकादायक असून आरोग्यास हानिकारक ठरत आहे. तरी या गंभीर बाबीची दखल घेऊन आपल्या स्तरावरून योग्य ती उपाययोजना करावी, ही नम्र विनंती.”