“प्रभाग १८ मध्ये ललितभाऊंची ‘तपश्चर्या’, आता सौ. अर्चनाताईंना मिळणार विजयाचे ‘फळ’!”

जळगाव (विशेष प्रतिनिधी): राजकारणात पदावर नसताना काम करणे हीच खरी जनसेवा असते, हे प्रभाग क्रमांक १८ मधील समाजसेवक ललित शंकर कोळी यांनी सिद्ध करून दाखवले आहे. २०१८ च्या निवडणुकीत निसटता पराभव होऊनही खचून न जाता, गेल्या ७-८ वर्षांपासून अहोरात्र जनतेसाठी झटणारे ललित कोळी यांनी आता महिला आरक्षणामुळे आपल्या अर्धांगिनी सौ. अर्चना ललित कोळी यांना उमेदवारी देऊन विरोधकांसमोर मोठे आव्हान उभे केले आहे. सुप्रीम कॉलनी, एमआयडीसी, म्हाडा कॉलनी, जगवानी नगर, रामनगर, उपासनी नगर या संपूर्ण परिसरात सध्या फक्त एकाच नावाची चर्चा आहे, ती म्हणजे ‘कोळी दांपत्य’!

पद नसतानाही कामाचा धडाका: ‘मानला तर देव, नाहीतर दगड’! प्रभाग क्रमांक १८ हा गोरगरिबांचा आणि सर्वधर्मीय लोकांचा प्रभाग म्हणून ओळखला जातो. इथे जातीपातीचे राजकारण चालत नाही, इथे चालते ती फक्त ‘माणुसकी’. ललित कोळी यांनी नेमकी हीच नस पकडली आहे. कोरोनासारख्या भीषण संकटात जेव्हा लोक घरात होते, तेव्हा ललित कोळी स्वतःचा जीव धोक्यात घालून अन्नधान्य वाटप करत होते. मोदी साहेबांची ‘उज्वला गॅस योजना’ असो, ज्यात त्यांनी २०० कुटुंबांना गॅस दिले, किंवा दवाखान्याची मदत असो; कोळी यांनी प्रत्येक सुख-दुःखात आपल्या प्रभागातील जनतेला साथ दिली आहे.

स्वतःच्या खिशातून खर्च करणारा दिलदार नेता! आजच्या काळात सरकारी निधीची वाट पाहणारे अनेकजण आहेत, पण ललित कोळींनी स्वतःच्या खिशातून खर्च करून प्रभागाचा कायापालट केला आहे.

• उस्मानिया मशिदीमागील ऐतिहासिक काम: उस्मानिया मशिदीच्या मागे एक प्रचंड मोठा खड्डा होता, जो सांडपाणी आणि घाणीने भरलेला होता. तिथे रोगराईचे साम्राज्य होते. ललित कोळींनी तिथे स्वखर्चाने ४५ ट्रॅक्टर माती टाकून तो खड्डा बुजवला आणि तेथे स्वच्छता निर्माण केली.

• आरोग्य आणि सुविधा: गटारीच्या समस्या असो वा लोकांना बसण्यासाठी बाकड्यांची व्यवस्था, कोळींनी कुणाचीही वाट न पाहता स्वखर्चाने कामे मार्गी लावली.

• आमदार निधीचा विनियोग: आमदार राजूमामा भोळे यांच्या निधीतून त्यांनी कॉलनीत २२ हायमास्ट एलईडी लाईट लावून परिसर उजळवून टाकला.

• धार्मिक सलोखा: संत सेवालाल बाबा चौकाच्या नामकरण सोहळ्यात आमदार राजूमामांच्या उपस्थितीत २१ किलो बुंदीच्या लाडूंचे वाटप करून त्यांनी आनंदोत्सव साजरा केला.

सौ. अर्चना ललित कोळी: ‘गृहलक्ष्मी’ आता होणार ‘प्रभागलक्ष्मी’! ललित कोळी यांनी तयार केलेली ही विकासाची पायाभरणी आता त्यांच्या पत्नी सौ. अर्चना ललित कोळी पुढे नेणार आहेत. त्या फक्त एका नेत्याच्या पत्नी नाहीत, तर एक सुशिक्षित आणि विजनरी उमेदवार आहेत. त्यांचा अजेंडा स्पष्ट आणि थेट आहे:

• दुसऱ्या प्रभागांप्रमाणेच आमच्या १८ नंबर प्रभागातही चकाचक रस्ते आणि पिण्याचे स्वच्छ पाणी मिळालेच पाहिजे.

• मोकळ्या जागांचा (Open Space) विकास करून लहान मुलांसाठी बगीचे.

• पोलिस भरतीची तयारी करणाऱ्या तरुणांसाठी अद्ययावत जीम आणि ग्राउंड.

• विद्यार्थ्यांसाठी वाचनालय आणि महिलांच्या सुरक्षिततेसाठी विशेष उपाययोजना.

“प्रभाग भयमुक्त आणि सुशोभित करणे हेच आमचे स्वप्न आहे,” असा ठाम निर्धार सौ. अर्चना कोळी यांनी व्यक्त केला आहे.

मंदिरांना देणगी असो, मंडळांना मदत असो किंवा भर उन्हात लोकांना टँकरद्वारे पाणी पोहोचवणे असो; ललित कोळी यांनी लोकांच्या मनात घर केले आहे. त्यामुळेच, “काम करणाऱ्यालाच संधी द्यायची”, असा चंग प्रभाग १८ मधील जनतेने बांधला आहे. सौ. अर्चना ललित कोळी यांच्या विजयाची आता फक्त औपचारिक घोषणा बाकी असल्याची चर्चा चौकाचौकात रंगली आहे.